MijnECAL
Uw zoekacties: De mens, deel C. Pagina: 6

Woordenboeken van de Achterhoekse en Liemerse dialecten (WALD), 1984-2010

beacon
1  records
 
 
WALD Woordenboeken van de Achterhoekse en Liemerse dialecten (WALD), 1984-2010
Erfgoedstuk
Pagina
De mens, deel C. Pagina: 6
Titel:
Woordenboek van de Achterhoekse en Liemerse dialecten (WALD)
Ondertitel:
De mens, deel C
Pagina:
6
Deel:
C
Jaar van uitgave:
2001
Auteur:
Schaars, A.H.G.
INLEIDING
Net zo as de veurege twee delen van 't hoofddeel "De mens" gif ok dit deel de woordenschat dee verband höldt met lichameleke aspecten van den mens. Twee onderwarpen komt doorbie an de orde: Bewaegingen en holdingen van 'n mens en warken van de zintugen.
De opzet en inrichting van dit deel slut weer himmaol an bie de veurege delen, 'n Nederlands- talege verantwoording steet in De mens en zien huus (blz. VII - XVI); 'n verantwoording in streektaal steet in De mens en de weerld-A (blz. V - XI). Korte anvullingen doorop bunt te vinden in De mens en de weerld-B (blz. V) en in De mens-A (blz. V).
Met betrekking tut 't eerste onderwarp is der 'n indeling emaakt op grond van 't lichaamsdeel of de lichaamsdelen dee in eerste instantie betrokken bunt bie de bewaeging/holding. Op dee menere wordt 't materiaal in acht hoofdstukken in-edeeld. De deur wetenschappers gebruukte indeling in aovergankeleke en onaovergankeleke warkwoorden wordt hier dus neet evolgd. Dat is doorumme neet gebeurd umdat völle warkwoorden zowel aovergankelek as onaover- gankelek könt waezen. An de hand van 't volgende veurbeeld is dat dudelek te maken. In 'n zin as "Hee gooit 'n steen" is gooien aovergankelek umdat der 'n lijdend veurwarp ('n steen) is. Maor in de zin "Hee gooit met 'n steen" wordt gin lijdend veurwerp eneumd en dat zol -bie 'n indeling op grond van aovergankelek/onaovergankelek- inholden dat gooien in beide catego- rieën op-enommen mot worden. Bie 'n indeling uutgaonde van 't lichaamsdeel woormet egooid wordt (arme en hande) kan 't warkwoord in één artikel behandeld worden. De aover- zichtelekheid van 't woordenbook wordt doordeur groter.
In 't deel "Bewaegingen en holdingen van de mens" geet 't in de veurbeeldzinnetjes 'n enkele
kere neet um mensen -wat deur 't onderwarp van dit deel wel veur de hand zol liggen. Dan geet 't um bewaegingen en holdingen dee neet karakteristiek bunt veur mensen allene, maor dee ok van toopassing könt waezen op dieren of veurwarpen. Dat is bieveurbeeld 't geval op blz. 590 met 't citaat woorin "vertodden" (Win 1971) veurkump. Bewaegingen en holdingen dee karakteristiek bunt veur 'n (bepaold) dier of veurwarp komt hier natuurlek neet an de orde. 'n Woord as "ruusteren" (ezegd van muze dee deur stro e.d. kroept) b.v. steet neet op blz. 635 onder kroepen, maor in De weerld-B op blz. 401 onder moes. En zwiepen van een planke wordt later behandeld bie eigenschappen van veurwarpen.
Völle mensen hebt ok an dit deel met-ewarkt. Dr Jo Daan, dr Jan Berns en drs Piet Vos hebt 't manuscript kritisch deur-elaezen. De tekeningen bunt emaakt deur leerlingen van de basis- scholen De Tragellijn in Lobith (onder leiding van Erik Jägers, Geert Roelofs, Wim Seegers) en De Branink in Laren (onder leiding van Casper Bruinink en Dineke Odink-Hietbrink). 't Kleuren van de tekeningetjes op 't umslag is edaone deur Cora Schaars-Kolk. Zo as ok bie de andere delen van 't WALD hef Bertje Bloch-van Rhijn weer de correctie edaone; 'n ander metwarker van 't eerste uur -Gert Agelink- hef 't manuscript in den computer in-ebracht. Theo Strijker hef weer alle kaartjes op de computer etekend en Wim van Keulen hef veur de lay-out ezorgd. lederene kump hierveur dank too, maor veural de metwarkers meuge wie neet vergetten. De namen van alle metwarkers dee tussen 1996 en 2001 met-eholpen hebt onze streektaal vaste te leggen, volgt hiernao.
Deutekem, mei 2001 A.H.G.Schaars
V
Voorbeeld : Klik op de tekst voor meer
laatste wijziging 22-02-2014
1 gedigitaliseerd
 
 
 
  • © Erfgoedcentrum Achterhoek en Liemers 2023 |
  • Alle rechten voorbehouden |
  • Privacy |
  • Ontwikkeling & Design door DIMA.
Naar boven
MijnECAL