De mens, deel D. Pagina: 7 (Erfgoedcentrum Achterhoek en Liemers)

Uw zoekacties: De mens, deel D. Pagina: 7

Mijn Studiezaal

Mijn Studiezaal (inloggen)

Woordenboeken van de Achterhoekse en Liemerse dialecten (WALD), 1984-2010

1 records

WALD Woordenboeken van de Achterhoekse en Liemerse dialecten (WALD), 1984-2010

Delen

Doorsturen per email

Delen via Facebook

Delen via X (Twitter)

Duurzaam webadres

Reageren

Stuur een reactie naar Erfgoedcentrum Achterhoek en Liemers

Pagina

De mens, deel D. Pagina: 7

Titel:

Woordenboek van de Achterhoekse en Liemerse dialecten (WALD)

Ondertitel:

De mens, deel D

Pagina:

7

:

D

Jaar van uitgave:

2004

Auteur:

Schaars, A.H.G.

INLEIDING
Anders as de veurege dree delen van 't hoofddeel "De mens" gif dit deel neet de woordenschat dee verband höldt met lichameleke aspecten van den mens, maor met de geesteleke eigen- schappen. Doorbie komt de volgende onderwarpen an de orde: verstand, geveul, wil, good en kwaod. In 't Begrippensysteem van Hallig en Von Wartburg -woornao 't WALD zich in grote trekken richt- is dat Hoofdstuk 2.2. Ziel en verstand.
De opzet en inrichting van dit deel slut weer himmaol an bie de veurege delen. De uutgebreide Nederlandstalege verantwoording steet in De mens en zien huus (blz. VII - XVI); de uutgebreide verantwoording in streektaal steet in De mens en de weerld-A (blz. V - XI). Korte anvullingen doorop bunt te vinden in De mens en de weerld-B (blz. V) en in De mens-A (blz. V), De mens-B (blz. V) en De mens-C (blz. V).
Anders as in de veurege delen van De mens is in dit deel behalve 'n register van dialectwoorden (blz. 1056 - 1098) 'n alfabetisch register van Nederlandse woorden (blz. 1099 - 1108) op- enommen. Dat gif de meugelijkheid um vanuut 'n Standaardnederlands woord wat met "Ziel en verstand" te maken hef, de streektaalwoorden te vinden. Zo steet b.v. in dat register 't Standaardnederlandse woord boos; via de verwiezing blz. 858 (achter boos) kom ie terechte bie de 44 benamingen veur kwaod, dee staot in Hoofdstuk 6.1. Gevoelens. Zo is 't meugelek um via Standaardnederlandse woorden (minder bekende) dialectwoorden te vinden. A'j b.v. kiekt in 't Standaardnederlandse register bie woorden as labiel, nerveus, tolerant of betweterig dan kom ie streektaalwoorden op 't spoor dee'j anders neet zo gauw ontdekken zult. Dee standaardnederlandse woorden bunt in 'n ander lettertype (Times italic) op-enommen; op dee menere is der onderscheid tussen 't dialectmateriaal (Helvetica) en dee standaard- nederlandse woorden.
Völle mensen hebt an dit deel met-ewarkt. Dr Jan Berns hef 't manuscript critisch deur-elaezen. De tekeningen bunt emaakt deur leerlingen van vier basisscholen: de Tragellijn in Lobith (onder leiding van Yvonne Willemsen), de Branink in Laren (onder leiding van Dieneke Odink- Hietbrink), 't Kempken in Meddo (onder leiding van Inge van der Graaf) en de Klimop in Didam (onder leiding van Henk Bulsink). De coördinatie van dit onderdeel was in handen van streek- taalconsulent Geert Roelofs. 't Kleuren van de tekeningetjes op 't umslag is weer edaone deur Cora Schaars-Kolk. Zo as ok bie de andere delen van 't WALD hef Bertje Bloch-van Rhijn weer de correctie edaone; Gert Agelink hef weer 't manuscript in den computer in-ebracht. Theo Strijker hef weer alle kaartjes op de computer etekend en Wim van Keulen hef veur de lay-out ezorgd. 'n Woord van dank hierveur is op zien plaatse. Dat geldt natuurlek ok weer veur de metwarkers dee tussen 2001 en 2004 vraogenliesten in-evuld hebt en woorvan de namen hiernao volgt.
Deutekem, september 2004 A.H.G.Schaars
V

Voorbeeld : Klik op de tekst voor meer

laatste wijziging 22-02-2014

1 gedigitaliseerd