Oproop Stimuleringsfonds Nedersaksisch
He’j ‘n mooi idee dat bi-jdreg an ‘t gebruuk of behold van ‘t Nedersaksisch in Gelderland? Dan is dit hét moment um in actie te kommen!
Budget beschikbaor
Der is dit jaor nog budget beschikbaor vanuut ‘t Stimuleringsfonds Nedersaksisch Gelderland. Met dit fonds ondersteunt ‘t Erfgoedcentrum Achterhoek en Liemers lokale en regionale projecten en activiteiten dee de streektaal een toekomst geft.
Projecten
I-j könt een bijdraege anvraogen töt maximaal € 5.000 per project. ‘t Fonds richt zich op projecten in de Achterhook en Noordoost-Veluwe dee aansluut bi-j ‘t beleidsplan van ‘t Erfgoedcentrum en bijdraegt an ‘t laevend hollen van ‘t Nedersaksisch.
Beoordelingscommissie
Alle anvraogen wodt beoordeeld deur een onafhankeleke beoordelingscommissie, bestaonde uut verteggenwoordegers van verschillende streektaalorganisaties. Zee kiekt onder meer naor de inhold, spreiding en impact van de projecten.
Bert Bromvleege
Een mooi veurbeeld van ‘n project dat met dankzi-j ‘t fonds töt stand kwam, bunt de kinderbeuke aover Bert Bromvleege, eschrevven deur Sonja Roerdink. Via streektaalverenigingen en schrieversmeddage heurn zee aover ‘t Stimuleringsfonds en beslot euren wens veur ’t maken van een serie kinderbeuke in ’t Nedersaksisch waor te maken en een plan in te denen. En met succes. “De bi-jdrage hef heel good eholpen um ‘t plan met mooie, kleurrieke illustraties en een ni-j, aanspraekend figuur in de heufdrolle echt te realiseern”, aldus Sonja.
Anvraogprocedure
Aover de anvraogprocedure is Sonja positief. “De anvraogprocedure is gelukkeg neet ingewikkeld”, vertelt ze. “I-j mot wal een good onderbouwd plan en een begroting indenen, maor dat is terecht. Disse wodt dan beoordeeld deur een commissie vanuut verschillende delen van Gelderland.” Volgens Sonja mek ‘t fonds echt ‘t verschil. “t Is superbelangriek dat dit fonds der is”, benaodrukt ze. “Der bunt zovölle mensen dee met mooie ideeën rondloopt en iets positiefs wilt bi-jdraegen an ‘t behold van disse prachtege taal. ‘t Hölp um mooie initiatieven, dee anders misschien neet van de grond zollen kommen, toch möggelek te maken.”
Wi’j weten hoo’j een anvraoge opstelt of of ow idee past binnen de regeling? Laes hier meer aover de procedure of nem contact met uns op, wi-j denkt geerne met ow met.